Duke u mbështetur në disa disiplina akademike, si: psikologjinë, antropologjinë, sociologjinë, historinë dhe shkencat arsimore dhe shëndetësore, kursi udhëhiqet nga një qasje ndërdisiplinore e cila e ndihmon studentin të pajiset me njohuri rreth çështjeve kritike në lidhje me gjuhën e urrejtjes, shkaqet, pasojat dhe mënyrave për trajtimin e saj. Pjesëmarrësit do të fitojnë njohuri në lidhje me zhv...

Duke u mbështetur në disa disiplina akademike, si: psikologjinë, antropologjinë, sociologjinë, historinë dhe shkencat arsimore dhe shëndetësore, kursi udhëhiqet nga një qasje ndërdisiplinore e cila e ndihmon studentin të pajiset me njohuri rreth çështjeve kritike në lidhje me gjuhën e urrejtjes, shkaqet, pasojat dhe mënyrave për trajtimin e saj. Pjesëmarrësit do të fitojnë njohuri në lidhje me zhvillimin e këtij fenomeni shqetësues, si dhe me përpjekjet e shoqërisë për t'u iu përgjigjur atij. Do të listohen edhe dokumentet dhe mekanizmat më të rëndësishëm vendorë dhe ndërkombëtarë që denoncojnë dhe trajtojnë gjuhën e urrejtjes. Asnjë parakusht ose sfond specifik nuk kërkohet për të t'u regjistruar në këtë kurs. Kursi është konceptuar si një program i nivelit hyrës. Pjesëmarrësit që përfundojnë me sukses pesë (5) ligjëratat dhe kuizin, në fund të kursitn do të marrin edhe një certifikatë të nënshkruar nga hartuesi i kursit. Kursi është në gjuhën shqipe.

Bullizmi: Prezentimi bëhet nga Anil Gashi. Anili ka përfunduar studimet bachelor në Rochester Institute of Technology për Ekonomi, Statistika/Menaxhim dhe Politika Publike. Është ekspert i edukimit që ka përfunduar studimet e nivelit master në Universitetin e Missourit, ShBA. Mes tjerash, Anili ka qenë edhe Menaxher i Projekteve në Qendrën FIT, ku si hulumtues dhe ligjërues ka ndërtuar një përvojë solide në çështjet që lidhen me sigurinë e fëmijëve, përfshirë edhe atë në internet. Ka qenë i angazhuar edhe si konsulent për hartimin e “Planit të Veprimit për Ndërmjetësimin dhe Zgjidhjen Paqësore të Konflikteve midis bashkëmoshatarëve nëpër shkolla”, projekt i financuar nga BE -ja dhe i menaxhuar nga Qendra Arsimore e Kosovës dhe ForumZFD.

Paragjykimet, stereotipet, diskriminimi dhe Seksizmi: Prezentimi bëhet nga Avni Rudaku, master i sociologjisë dhe psikologjisë. Aktualisht kandidat për gradën Doktor në sociologji. Punon si mësimdhënës parauniversitar dhe asistent e ligjërues në kolegje private dhe universitet publik për shumë vjet. Pjesëmarrës në konferenca shkencore dhe i angazhuar si vullnetar ndërkombëtar-profesionist në Ugandë të Afrikës dhe disa vende tjera të botës. Është publicist dhe autor i 3 librave, 4 audiodokumentarëve, pjesëmarrës si artist dhe kritik arti në shumë ekspozita kolektive.

Homofobia: Prezentimi bëhet nga Lira Blakaj. Lira ka përfunduar nivelin bachelor për antropologji në Universitetin e Prishtinës, pastaj studimet master në Antropologji në Universitetin e Oxford-it në Angli, ku gjithashtu është duke ndjekur edhe gradën PhD në Antropologjinë Kibernetike. Momentalisht është e angazhuar si Koordinatore për Ballkan dhe Mbretëri të Bashkuar në Muzeun Memorial Amerikan të Holokaustit. 

Racizmi dhe Radikalizimi online: Prezentimi bëhet nga Nardi Gjata. Nardi është historian dhe momentalisht është i angazhuar në Institutin e Historisë në Universitetin e Prishtinës. Kontributi i tij përfshin edhe pjesëmarrjen në studime të ndryshme dhe është editues i teksteve të ndryshme akademike. Fokus i tij është edhe konflikti shoqëror, gjë që e ka shtyrë atë të merret edeh me studimin e racizmit dhe radikalizimit.